Хүүхдээ урагш нь харуулж үүрч болох уу?⠀
Хүүхдийг хаашаа харуулж үүрэхийг ярихын тулд бид хүүхдийн нурууны хөгжлийн онцлогийг ярих хэрэгтэй болно.
⠀
Томчууд бидний нуруу тодорхой хэмжээний хотойлт бүхий S хэлбэртэй байдаг. Энэ нь алхах, гүйх, огцом эргэх зэрэг бүхий л хөдөлгөөн хийхэд хүний биеийг тэнцвэртэй байлгахад тусалдаг.
⠀
Харин нярай хүүхдийн нуруу хараахан хэлбэржээгүй С хэлбэртэйгээр төрдөг. Хүүхдийн хүзүүний булчин хөгжиж толгойгоо дааж эхлэх үеэс нурууны хүзүү орчмын хэсэгт эхний хотойлт үүсдэг. Түүний дараагаар мөлхөж сурах үеэс нурууны доод хэсгийн булчин хөгжиж мөн тэр хэсэгт дараагийн хотойлт үүсдэг байна. Ингэж хүүхдийн нуруу хэлбэржсээр 1 настайд бүрэн хөгждөг.
- Хүүхдийг гадаад орчинлуу харуулж тэврэх үед хүүхдийн түнхний М хэлбэр алдагдаж хөл унждаг. Ингэснээр хүүхдийн нуруу үүрч яваа хүний биеэс хөндийрч нурууны доод хэсэгт нь ихээхэн ачаалал өгдөг байна. ⠀
- Тиймээс хүүхдийг 6 сар хүртэл нь бүүр болж өгвөл 1 нас хүртэл нь буюу нуруу нь бүрэн хэлбэржих хүртэл өөрлүүгээ харуулж тэвэрч, үүрч байхыг зөвлөдөг. ⠀
Мөн хүүхдээ өөрлүүгээ харуулж тэвэрснээр:⠀⠀
⠀
- Хүүхэд нярай үедээ гадаад орчныг биш аав, ээжийнхээ царайг харж байх нь илүү тайван, тухтай байдаг. ⠀⠀
- Хүүхдийг өөрлүүгээ харуулж тэврэх үед тэвэрч байгаа хүний хүндийн төв илүү тогтвортой, тэнцвэртэй байдаг. ⠀⠀
- Мөн өөрлүүгээ харуулж тэврэхэд хүүхэд гуяны дотор булчингаа чангалж өгдөг учраас тэвэрч явахад илүү хялбар болдог байна. ⠀⠀
⠀⠀
Тиймээс аав ээжүүд та бүхэн хүүхдийн үүргэвч сонгохдоо аль болох өөрлүүгээ харуулж үүрч болохуйцыг сонгоорой